સ્માર્ટફોન ખરીદવાનો પ્લાન છે? આ અઠવાડિયે 4 નવા સ્માર્ટફોન થશે લોન્ચ

જો તમે નવો સ્માર્ટફોન ખરીદવાનું વિચારી રહ્યા છો, તો આ અઠવાડિયું તમારા માટે મહત્વનું બની શકે છે. 15 થી 18 સપ્ટેમ્બર વચ્ચે ભારતમાં 4 નવા સ્માર્ટફોન લોન્ચ થવાના છે. આ ફોનમાં મોટી બેટરી, ઝડપી ચાર્જિંગ, AMOLED ડિસ્પ્લે અને 5G જેવા ફીચર્સ જોવા મળશે.

Redmi Note 17 Pro Max

આ અઠવાડિયાનો સૌથી વધુ ધ્યાન ખેંચનાર ફોન Redmi Note 17 Pro Max છે. જે 15 સપ્ટેમ્બરે લૉન્ચ થવાનો છે. તેની સૌથી મોટી ખાસિયત 10,000mAh બેટરી હોઈ શકે છે. આ ઉપરાંત ફોનમાં 100W HyperCharge ફાસ્ટ ચાર્જિંગ અને રિવર્સ ચાર્જિંગ મળવાની માહિતી છે. ફોનમાં 6.83 ઇંચની 1.5K AMOLED સ્ક્રીન, Snapdragon 6 Gen 5 ચિપસેટ અને 50MP ડ્યુઅલ રિયર કેમેરા મળી શકે છે. ફ્રન્ટમાં 32MP કેમેરા અને Android 16 પણ મળવાની માહિતી છે.

Redmi Note 17 Pro 5G

Redmi Note 17 Pro 5G પણ 15 સપ્ટેમ્બરે જ લોન્ચ થશે. તેમાં 9,000mAhની મોટી બેટરી અને 6.83 ઇંચની 1.5K AMOLED સ્ક્રીન મળવાની માહિતી છે. ફોનમાં Snapdragon 6s Gen 4 ચિપસેટ, 50MP મુખ્ય કેમેરા, 8GB RAM અને 128GB સ્ટોરેજનો વિકલ્પ મળી શકે છે. મોટી બેટરીના કારણે આ ફોન પણ ગ્રાહકોનું ધ્યાન ખેંચી શકે છે.

OPPO K14 Lite

OPPO K14 Lite 16 સપ્ટેમ્બરે ભારતમાં રજૂ થઈ શકે છે. ફોનમાં 7,000mAh બેટરી અને 120Hz રિફ્રેશ રેટવાળું ડિસ્પ્લે મળવાની માહિતી છે. એક ઉપલબ્ધ યાદી મુજબ તેમાં Unisoc T7250 ચિપસેટ પણ હોઈ શકે છે. જોકે ઉપલબ્ધ માહિતીમાં આ ફોનને 4G મોડલ તરીકે દર્શાવવામાં આવ્યો છે. તેથી તેને 5G ફોન માનતા પહેલા કંપનીની સત્તાવાર માહિતી આવ્યા બાદ જ ખાતરી થશે કે ફોન 4G મોડલ છે કે પછી 5G છે.

આ પણ વાંચો: 1 વર્ષમાં 54% તૂટેલા KEC Internationalને ₹1,303 કરોડનો ઓર્ડર, હવે શેર પર નજર

Lava Bold N4 Pro 5G

ભારતીય કંપની Lava પણ 18 સપ્ટેમ્બરે Bold N4 Pro 5G રજૂ કરશે. ફોનમાં 6,000mAh બેટરી અને 50MP મુખ્ય કેમેરા સાથે ડ્યુઅલ રિયર કેમેરા સેટઅપ મળશે. ફોનને Gold અને Blue રંગમાં રજૂ કરવામાં આવી શકે છે અને તેનું વેચાણ Amazon મારફતે થવાની માહિતી છે. તેની કિંમત અને બાકીના ફીચર્સની સંપૂર્ણ માહિતી લોન્ચ સમયે સામે આવશે.

કોના પર રહેશે સૌથી વધુ નજર?

જો તમારી પ્રથમ પસંદગી મોટી બેટરી છે તો Redmi Note 17 Pro Max સૌથી વધુ આકર્ષક બની શકે છે. 9,000mAh બેટરી સાથે Redmi Note 17 Pro પણ મજબૂત વિકલ્પ બની શકે છે, જ્યારે બજેટ 5G ફોન શોધતા ગ્રાહકોની નજર Lava Bold N4 Pro 5G પર રહી શકે છે.